Hversu gaman er í nýja partý og Co?

Vanntar allavega ekki gamanið hjá þessari, en leikmuni má nota á ýmsan óhefðbundin hátt. Alltaf stutt í grínið þegar góðir koma saman við spil og sprell

Eigið góða helgi og ég vil óska henni Særúnu Ósk Böðvarsdóttir innilega til hamingju með kvarthundraðið á morgunn. Vertu velkomin í klúbbin Sæsa mín.

Holtið góða

Hotel Holt fékk sér nýja og fallega eldavél um daginn en þar hafa staðið yfir miklar framkvæmdir á eldhúsinu undanfarið eða frá því á annan í jólum og lauk nú fyrir tæpri viku. Eldavélin er heilir fjórir metrar á lengd. Ekki amalegt tæki sem Friðgeir teiknaði sjálfur og lét smíða Franslandinu.

Á miðvikudaginn síðasta var svo skemmtilegt boð þar sem vel völdu fólki eins og mér, mömmu, ömmu, Söru Dögg og Julian Inga ásamt fleirum var boðið að skoða herlegheitin, snæða á gæsalifur, brauði, snittum og fleiru og fleiru. Þetta var satt að segja dýrindis fínerísisboð sem er afar Gullulegt ekki satt.

Þótti þessi atburður svo merkilegur að hans var getið á mbl.is, í ísland í dag og fleiri fjölmiðlum. Ég læt það tala sínu máli hér, en ég verð þó að viðurkenna að ég fór svolítið hjá mér og hef enga hugmynd um afhverju því það er ekki eins og ég sé þarna stödd í viðtölum og þau eru svo sannarlega ekki kjánaleg. En ég er þó afar stollt systir og dóttir.


http://mbl.is/mm/folk/frett.html?nid=1315196

http://vefmidlar.visir.is/VefTV/?channelID=STOD2&programID=b2fab606-e8f9-4500-a4d9-15008d8978da&mediaSourceID=c61bb

Julian fékk að sjálfsögðu að vera með í Ratatouille kokkagallanum sínum

Mont pistill búin og ekki laust við smá kjánahroll

Í kvikmyndahúsinu

Við Fjóla skelltum okkur í bíó í gærkvöldi.
The Mist varð fyrir valinu en hún er gerð eftir samnefndri skáldsögu Stephen King og því er ekki að leyna að hann er snillingur mikill sá maður.

Þó svo að myndin líti í sjálfu sér út fyrir að vera enn ein stórmyndin frá Bandaríkjunum þar sem yfirnáttúruleg fyrirbæri herja á mannkynið, þá er hún svolítið meira en það og þess vegna hafði ég einkar gaman af myndinni.

Í stuttu máli þá minnir margt í ádeilu myndarinnar mig á söguna Lords of the flies en hana las ég í menntaskóla og horfði á myndina. Besta fólk getur orðið að verstu ótugtum og fávitum undir vissum kringumstæðum sem sýnir að mannkynið er hættulegasta og versta skeppna jarðar.

Við Fjóla söknuðum þess þó að fá ekki að sjá leikstjóradóttirina Mist Rúnarsdóttur þarna í einu hlutverkanna svona af því að myndin og hún er jú nöfnur.

Fleira var það ekki en ég mæli með ef fólk vill endilega fara í bíó þá er Mistin góður kostur þrátt líta út fyrir að vera klisjuð stórmynd um bandarískar hversdagshetjur í baráttu við óhemjur sem aldrei hafa sést áður á jörðinni. Myndin er ekki alveg svo shallow. Stephen King klikkar ekki....;)

Smá blogg

Já rétt er það hjá þeim Sæju og Steinunni að það verður að blogga eitthvað.

Kannski ég byrji á að segja gleðilegt ár. En árspistil mun ég nú ekki skrifa enda gleymi ég öllu jafn óðum. Árið 2007 var eflaust hressandi og skemmtilegt eins og ávalt með tilheyrandi rugludalla flippi.

Jólin voru gleðileg en maður hefur verið þeirrar gæfu aðnjótandi allt sitt líf að fá mikinn og góðann mat yfir hátíðarnar, skynsamlegt að staldra við og hugsa um hversu gott maður hefur það.

Gaf sjálfri mér fallega rauða stafræna myndavél í jólagjöf svo lokst get ég tekið myndir af spennandi atburðum úr lífi mínu. Ég hef ekki átt myndavél síðan ég fór með fermingarvélina mína í útskrifarferð á Krít hér um árið en hún fékk að súpa vatn úr sundlaug hótelsins eftir stutta dvöl. Eftir þetta keypti ég nokkrum sinnum einota vélar sem aldrei hafa farið í framköllun svo ég muni. Mikil peningasóun það. En ég er afskaplega ánægð að hafa loks fjárfest í rauðu olympusinni minni.


Eitthvað gengur mér erfiðlega á þessu bloggi að setja inn youtube myndband en ég er með account og allt en youtube vill bara ekkert kannast við e-mailið mitt eða paswordið sem fylgja blogginu mínu. Ég fæ Sæju og Steinunni til að ráða fram úr þessu með mér yfir góðu yfirlæti einn daginn.

Ég hef nú ekki mikið meira að skrifa að svo stöddu. Læt fylgja með krúttaralega mynd af Julian Inga bakarameistara sem fannst afar gott að vera í fríi um jólin, en hann talaði eimitt um að hafa það notalegt í fríinu sínu.